ശിഹാബ് തങ്ങൾ സെന്റർ ചരിറ്റബിൾ ട്രസ്റ്റിന്റെ കീഴിൽ വളാഞ്ചേരി നിസാർ ( Nizar Cardiac ) ഹോസ്പിറ്റലിൽ പ്രവർത്തിച്ചു വരുന്ന ശിഹാബ് തങ്ങൾ ഡയാലിസിസ് സെന്ററിൽ പുതുതായി ഒരു ഡയാലിസിസ് മെഷീൻ കൂടി എത്തിയിരിക്കുന്നു. സെന്ററിന്റെ പ്രവർത്തനങ്ങളെ അടുത്തറിയുകയും നന്നായി സഹകരിക്കുകയും ചെയ്യുന്ന ഒരു സഹോദരനാണ് ഈ മെഷീൻ സംഭാവന ചെയ്തത്. ഇതോടെ ഇവിടെയുള്ള ആകെ മെഷീനുകളുടെ എണ്ണം ഏഴായി. ഡയാലിസിസ് ചെയ്യുന്ന രോഗികളുടെ എണ്ണം ഇനി 28 ആവും.
ശ്രീമതി ഉമാ പ്രേമന്റെ ( Uma Preman ) നേതൃത്വത്തിലുള്ള 'ശാന്തി'യുടെ സഹകരണത്തോടെ, 2018 ജനുവരി 1 നാണ് ശിഹാബ് തങ്ങൾ ഡയാലിസിസ് സെന്റർ പ്രവർത്തനം ആരംഭിച്ചത്. പാവപ്പെട്ടവരും സാധാരണക്കാരുമായ കിഡ്നി രോഗികൾക്ക് ഡയാലിസിസ് ചാർജ്ജ് പൂർണ്ണമായും ഒഴിവാക്കിയാണ് ഇവിടെ ഡയാലിസിസ് ചെയ്തു കൊടുക്കുന്നത്. ഡയാലിസിസിന് ആവശ്യമായ മരുന്നുകളും ഡയാലിസർ ഉൾപ്പെടെയുള്ള സാമഗ്രികളും മാത്രമാണ് രോഗികൾ കരുതേണ്ടത്. ഒന്നേമുക്കാൽ ലക്ഷത്തോളം രൂപ എല്ലാ മാസവും ചിലവ് വരുന്നുണ്ട്. സുമനസ്സുകളായ സഹോദരന്മാർ, വിദേശത്തുള്ള KMCC യും അല്ലാതെയുമുള്ള ഞങ്ങളുടെ സുഹൃത്തുക്കൾ, നല്ലവരായ നാട്ടുകാർ ഇവരൊക്കെയാണ് ശിഹാബ് തങ്ങൾ ഡയാലിസിസ് സെന്ററിന്റെ മുന്നോട്ടുള്ള പോക്ക് പ്രയാസരഹിതമാക്കുന്നത്. സഹായിച്ച, ഇപ്പോഴും സഹായിച്ചു കൊണ്ടിരിക്കുന്ന എല്ലാ സഹോദരങ്ങൾക്കും നന്ദി!
തുടർന്നും എല്ലാവരുടേയും സഹായ-സഹകരണങ്ങൾ ആവശ്യമാണ്. ഡയാലിസിസ് മെഷീനുകളുടെ എണ്ണം കൂടുന്തോറും നടത്തിപ്പ് ചിലവും വലിയതോതിൽ വർദ്ധിക്കും എന്നറിയാമല്ലോ.... മെഷീനുകളുടെ എണ്ണം എത്ര വർദ്ധിപ്പിച്ചാലും ഡയാലിസിസ് ചെയ്യാൻ ക്യൂ നിൽക്കുന്നവർ പിന്നെയും ബാക്കിയാവും എന്നതാണ് ദുഃഖകരമായ മറ്റൊരു സംഗതി. ആയതിനാൽ, തികച്ചും അനിവാര്യമായ ഈ കാരുണ്യ പ്രവർത്തിയുടെ ഭാഗമാവാൻ എല്ലാ സഹോദരങ്ങളും മുന്നിലുണ്ടാവണമെന്ന് അഭ്യർത്ഥിക്കുന്നു.
ഒരുപാട് പേരുടെ കഠിനാദ്ധ്വാനവും അക്ഷീണമായ പ്രവർത്തനവുമാണ് ശിഹാബ് തങ്ങൾ ഡയാലിസിസ് സെന്ററിന്റെ മുതൽക്കൂട്ട്. നിരവധി കിഡ്നി രോഗികൾക്ക് വലിയ ആശ്വാസമായ
സെന്ററിന് വേണ്ടി നാട്ടിലും മറുനാട്ടിലും നിസ്വാർത്ഥമായി സേവനം ചെയ്യുന്ന എല്ലാവരേയും നിങ്ങളുടെ പ്രാർത്ഥനയിൽ ഉൾപ്പെടുത്തുക.
ശിഹാബ് തങ്ങൾ ഡയാലിസിസ് സെന്ററുമായി ബന്ധപ്പെടാൻ ആഗ്രഹിക്കുന്നവർക്ക് വിളിക്കാവുന്ന നമ്പറും, സെന്ററിന്റെ അക്കൗണ്ട് വിവരങ്ങളും ഇതോടൊപ്പമുണ്ട്.
സഹകരണം പ്രതീക്ഷിച്ചു കൊണ്ട്:
ശിഹാബ് തങ്ങൾ സെന്റർ ചാരിറ്റബ്ൾ ട്രസ്റ്റ്, വളാഞ്ചേരി
99464 86201 (അഷ്റഫ്)
96565 06492 (സലാം)
Account details:
shihab thangal centre charitable trust,
a/c no: 14680200003302
Fedaral Bank Valanchery
IFSC: FDRL0001468
Comments
Post a Comment