വളാഞ്ചേരി:വളാഞ്ചേരി നഗസഭ 28-ാം ഡിവിഷനിലേക്ക് നടന്ന ഉപതിരഞ്ഞെടുപ്പില്‍ കനത്ത പോളിങ്ങാണ് രേഖപ്പെടുത്തിയത്. ഉച്ചക്ക് മുമ്പ് തന്നെ മികച്ച പോളിങ് രേഖപ്പെടുത്തിയിരുന്നു. വൈകീട്ടായതോടെ പോളിങ് ശതമാനം ഉയര്‍ന്നു. 81.35 ശതമാനം വോട്ടാണ് ഉപതിരഞ്ഞെടുപ്പില്‍ രേഖപ്പെടുത്തിയത്. കഴിഞ്ഞ തെരഞ്ഞെടുപ്പിനേക്കാള്‍ വോട്ടിങ് ശതമാനം വര്‍ധിപ്പിച്ചിരിക്കുകയാണ് ഉപതിരഞ്ഞെടുപ്പില്‍ വിജയപ്രതീക്ഷയുണ്ടെന്ന് സ്ഥാനാര്‍ത്ഥികള്‍ പ്രതികരിച്ചു.ഡിസംബര്‍ 30നാണ് തെരഞ്ഞെടുപ്പ് ഫലം. ജനവിധി അറിയാന്‍ ഇനി മണിക്കൂറുകള്‍ മാത്രമാണ് ബാക്കിയുള്ളത്.