ചങ്ങരംകുളം:ബന്ധു നിയമനം നടത്തിയ മന്ത്രി ജലീല് രാജി വെക്കണമെന്നാവശ്യപ്പെട്ട് കഴിഞ ദിവസം എടപ്പാളില് ജലീലിന് നേരെ കരിങ്കൊടി കാട്ടിയ യൂത്ത് കോണ്ഗ്രസ്സ് നേതാക്കളെ പോലീസ് സ്റ്റേഷനില് വെച്ചും മര്ദ്ധിച്ചെന്നാരോപിച്ചാണ് യുഡിഎഫ് പ്രവര്ത്തകര് ഇന്ന് ചങ്ങരംകുളം പോലീസ് സ്റ്റേഷനിലേക്ക് മാര്ച്ച് സംഘടിപ്പിച്ചത്.
കെഎസ് യു ജില്ലാ സെക്രട്ടറി കണ്ണൻനമ്പ്യാർ, കെപിസിസി മെമ്പർ എ.എം.രോഹിത്,യൂത്ത് കോണ്ഗ്രസ്സ് സംസ്ഥാന സെക്രട്ടറി ഇപി രാജീവ് എന്നിവര്ക്കാണ് പരിക്കേറ്റത് അന്യായമായി പോലീസ് സ്റ്റേഷനിലും മര്ദ്ധിച്ചെന്നാരോപിച്ച് ഇന്ന് 11 മണിക്ക് ചങ്ങരംകുളം ഹൈവേ ജംഗ്ഷനില് നിന്ന് തുടങ്ങിയ മാര്ച്ചില് പ്രമുഖ നേതാക്കളും അണി നിരന്നു. ചങ്ങരംകുളം പോലീസ് സ്റ്റേഷനിന് മുന്നില് പൊന്നാനി സിഐ സണ്ണി ചാക്കോയുടെ നേതൃത്വത്തിലുള്ള പോലീസ് സംഘം പ്രവര്ത്തകരെ തടഞെങ്കിലും പ്രവര്ത്തകര് ബാരിക്കേട് തകര്ത്ത് സ്റ്റേഷനകത്തേക്ക് തള്ളിക്കയറാന് ശ്രമിച്ചത് ഏറെ നേരം സംഘര്ഷാവസ്ഥ സൃഷ്ടിച്ചു.
നേതാക്കള് ഇടപെട്ടാണ് പ്രവര്ത്തകരെ ശാന്തരാക്കിയത്.
വി ടി ബൽറാം എംഎല്എ ഉദ്ഘാടനം ചെയ്ത ധര്ണ്ണയില്
യുഡിഎഫ് ചെയര്മാന് പി ടി അജയമോഹൻ അധ്യക്ഷനായി,
ശബരിനാഥ് എം എൽ എ,അഷ്റഫ് കോക്കൂർ, ഇബ്രാഹിം മുതൂർ, ഇഫ്തികറുദ്ധീൻ,
വി.കെഎം ഷാഫി,യൂത്ത് കോണ്ഗ്രസ്സ് സംസ്ഥാന വൈസ് പ്രസിഡന്റ് മഹേഷ്,സംസ്ഥാന ജനറല് സെക്രട്ടറി അഭിലാഷ് തുടങ്ങിയവർ സംസാരിച്ചു. ഷാനവാസ് വട്ടത്തൂര് നന്ദി പറഞു.
Comments
Post a Comment