ബന്ധുനിയമനം കെ.ടി. ജലീല് രാജിവെക്കുക എന്നാവശ്യപ്പെട്ട് മുസ്ലിംയൂത്ത്ലീഗ് കൊപ്പത്ത് സംഘടിപ്പിച്ച പ്രതിഷേധതെരുവ് മുസ്ലിംലീഗ് മലപ്പുറം ജില്ലാ സെക്രട്ടറി കെ.എം. അബ്ദുല് ഗഫൂര് ഉദ്ഘാടനം ചെയ്യുന്നു
കൊപ്പം: കെ.ടി. ജലീലിനോളം ജനങ്ങള് അവിശ്വസിച്ച ഒരു മന്ത്രി കേരളത്തിലുണ്ടായിട്ടില്ലെന്ന് മുസ്ലിംലീഗ് മലപ്പുറം ജില്ലാ സെക്രട്ടറി കെ.എം. അബ്ദുല് ഗഫൂര്. ജലീല് പറയുന്നത് മാധ്യമങ്ങള് പോലും വിശ്വസിക്കുന്നില്ല. തനിക്കെതിരെ ഉയര്ന്ന ആരോപണത്തെ സ്വയം ന്യായീകരിക്കുകയാണ്. ലീഗിനെതിരെ സി പി എമ്മുകാരെയും ഡി വൈ എഫ് ഐക്കാരെയും പ്രകോപിപ്പിക്കാന് ശ്രമിക്കുന്നു. കേരള സമൂഹം പുച്ഛത്തോടെയാണിത് നോക്കിക്കാണുന്നതെന്ന് ആരോപണവിധേയനായ മന്ത്രി ഓര്ക്കുന്നത് നല്ലതാണെന്നും ഗഫൂര് പറഞ്ഞു.
ബന്ധുനിയമനം കെ.ടി. ജലീല് രാജിവെക്കുക എന്നാവശ്യപ്പെട്ട് മുസ്ലിംയൂത്ത്ലീഗ് കൊപ്പം, വിളയൂര്, തിരുവേഗപ്പുറ, കുലുക്കല്ലൂര് പഞ്ചായത്ത്കമ്മിറ്റികള് സംയുക്തമായി കൊപ്പം സെന്ററില് നടത്തിയ പ്രതിഷേധ തെരുവ് ഉദ്ഘാടനം ചെയ്യുകയായിരുന്ന അദ്ദേഹം.
ആലി മുസ്ലിയാരും വാരിയന്കുന്നത്ത് കുഞ്ഞഹമ്മദ് ഹാജിയും മുസ്ലിംലീഗില് മെമ്പര്ഷിപ്പെടുത്തിട്ടില്ലെന്നാണ് ജലീലിന്റെ കണ്ടുപിടിത്തം. അവരെടുക്കാത്ത മെമ്പര്ഷിപ്പ് ആരും എടുക്കരുതെന്നും യുവാക്കള് ചെങ്കൊടി പിടിക്കണമെന്നും ചുകപ്പിന് കീഴിലാണ് രക്ഷയെന്നുമാണ് ജലീലിന്റെ ആഹ്വാനം. ഇങ്ങനെയൊക്കെ പറയുന്ന ജലീല് എന്ത് കൊണ്ട് സിപിഎം കൊടി പിടിക്കുന്നില്ലെന്നും മെമ്പര്ഷിപ്പെടുക്കുന്നില്ലെന്നും ഗഫൂര് ചോദിച്ചു.
മുസ്ലിംയൂത്ത്ലീഗ് നിയോജകമണ്ഡലം ജനറല്സെക്രട്ടറി കെ.എ. റഷീദ് അധ്യക്ഷത വഹിച്ചു. ഹനീഫ കൊപ്പം, ടി. കുഞ്ഞാപ്പ ഹാജി, എം. അബ്ദു മാസ്റ്റര്, ഇസ്മായില് വിളയൂര്, ഉനൈസ് മാരായമംഗലം, ടിപി. ഹസ്സന്, പിടി ഹംസ, സിപി മുസ്തഫ, കെ. മൊയ്തീന് മാസ്റ്റര് പ്രസംഗിച്ചു.
Comments
Post a Comment