ശിഹാബ് തങ്ങൾ സെന്റർ ചരിറ്റബിൾ ട്രസ്റ്റിന്റെ കീഴിൽ വളാഞ്ചേരി നിസാർ ഹോസ്പിറ്റലിൽ പ്രവർത്തിച്ചു വരുന്ന ശിഹാബ് തങ്ങൾ ഡയാലിസിസ് സെന്ററിൽ പുതിയ മെഷീനിന്റെ സ്വിച്ച് ഓൺ കർമ്മം കെ കെ ആബിദ് ഹുസൈൻ തങ്ങൾ എം എൽ എ നിർവ്വഹിച്ചു. Dr നിസാർ മുഹമ്മദ്, എൻ സി അബ്ദുൽ ജബ്ബാർ, കെ.എം അബ്ദുൽ ഗഫൂർ, അഷ്റഫ് അമ്പലത്തിങ്ങൽ,സലാം വളാഞ്ചേരി, സി അബ്ദുന്നാസർ തുടങ്ങിയവർ പങ്കെടുത്തു.ദുബൈ ആസ്ഥാനമായി പ്രവർത്തിക്കുന്ന മുർഷിദ ഗ്രൂപ്പ് നൽകിയ ഡയാലിസിസ് മെഷീൻ ഉൾപ്പെടെ ആറ് ഡയാലിസിസ് മെഷീനുമായാണ് ഇതു വരെ പ്രവർത്തിച്ചിരുന്നത്. ഇതോടെ ഇവിടെയുള്ള ആകെ മെഷീനുകളുടെ എണ്ണം ഏഴായി. ദിവസേനെ രണ്ട് ഷിഫ്റ്റ് കളിലായി 14 പേർക്ക് ഡയാലിസിസ് ചെയ്യുവാൻ കഴിയും.
വളാഞ്ചേരി: കാവുംപുറം പടിഞ്ഞാറക്കര സ്വദേശി പാറപ്പുറത്തേതിൽ റിസ്വാൻ ഹബീബ് (29) ഹൃദയാഘാതത്തെ തുടർന്ന് ദോഹയിൽ നിര്യാതനായി.ബുധനാഴ്ച(ഇന്ന്) വെളുപ്പിന് ഗരാഫയിലെ താമസ സ്ഥലത്തു വെച്ചായിരുന്നു അന്ത്യം.ഗരാഫയിലെ അൽ അനീസ് ഇലക്ട്രോണിക്സിൽ ജീവനക്കാരനായിരുന്നു.രണ്ടു മാസം മുമ്പാണ് നാട്ടിൽ പോയി ദോഹയിൽ തിരിച്ചെത്തിയത്. പാറപ്പുറത്തേതിൽ അബ്ദുൽ ജബ്ബാർ-സുബൈദ ദമ്പതികളുടെ മകനാണ്. ഭാര്യ : ഷിഫാ തസ്നി.മകൾ : നെഹ്സാൻ അയാഷ്. ഖത്തറിലുള്ള ഫാറൂഖ്,ഉസ്മാൻ,സഫ്വാൻ എന്നിവർ സഹോദരങ്ങളാണ്. ഹമദ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കി നാട്ടിലേക്ക് കൊണ്ടുപോകും.
Comments
Post a Comment