ദുരിതബാധിതർക്ക് സഹായ ഹസ്തവുമായി കോട്ടക്കൽ മണ്ഡലം കെ.എം.സി.സി മുസ്ലിം ലീഗ് സംസ്ഥാന സെക്രട്ടറി പ്രൊഫ.ആബിദ് ഹുസൈൻ തങ്ങൾ എം.എൽ.എയുടെ നേതൃത്വത്തിൽ ക്യാമ്പുകളിൽ സഹായമെത്തിച്ചു
ചാലിയാർ എരഞ്ഞിമങ്ങാട് ദുരിതാശ്വാസ ക്യാമ്പിലേക്ക് കോട്ടക്കൽ മണ്ഡലം കെ.എം.സി.സിയും മാറാക്കര സി.എച്ച് സെന്ററും നൽകുന്ന ആവശ്യ വസ്തുക്കൾ മുസ്ലിം ലീഗ് സംസ്ഥാന സെക്രട്ടറി പ്രൊഫ.ആബിദ് ഹുസൈൻ തങ്ങൾ എം.എൽ.എ നിലമ്പൂർ തഹസിൽദാറിന് കൈമാറുന്നു
കോട്ടക്കൽ: കനത്ത മഴയെത്തുടർന്ന്
എല്ലാം നഷ്ടപ്പെട്ട് ദുരിതാശ്വാസ ക്യാമ്പുകളിൽ കഴിയുന്നവർക്ക്
മുസ്ലിം ലീഗ് സംസ്ഥാന സെക്രട്ടറി പ്രൊഫ.ആബിദ് ഹുസൈൻ തങ്ങൾ എം.എൽ.എയുടെ നേതൃത്വത്തിൽ വിവിധ ക്യാമ്പുകളിൽ സഹായമെത്തിച്ചു.
കോട്ടക്കൽ മണ്ഡലം കെ.എം.സി.സിയുടെയും മാറാക്കര സി.എച്ച് ചാരിറ്റബിൾ ട്രസ്റ്റിന്റേയും ആഭിമുഖ്യത്തിലാണ് ആവശ്യസാധനങ്ങളും നിത്യോപയോഗ ഉപകരണങ്ങളുമായി ദുരിതാശ്വാസ ക്യാമ്പുകളിലെത്തിയത്.
ശക്തമായ മഴ മൂലം വീടും പുരയിടവുമെല്ലാം നഷ്ടപ്പെടുകയും കഷ്ടതയനുഭവിക്കുകയും ചെയ്യുന്ന ജനങ്ങൾക്കാശ്വാസം പകരാനാണ് എം.എം.എൽ.എയുടെ നേതൃത്വത്തിൽ കെ.എം.സി.സിയുടെയും സി.എച്ച് സെന്ററിന്റേയും പ്രവർത്തകർ ക്യാമ്പുകൾ സന്ദർശിച്ചത്. ചാലിയാർ പഞ്ചായത്തിലെ എരഞ്ഞിമങ്ങാട് ഇസ്ലാഹി അറബിക് കോളേജ്, നമ്പൂരിപ്പൊട്ടി മസ്ജിദുന്നൂർ ,വീടുകളും മസ്ജിദുകളും നാമാവശേഷമായ പൂളപ്പൊട്ടി എന്നീ പ്രദേശങ്ങളിൽ എം.എൽ.എയുൾപ്പെട്ട സംഘം സന്ദർശിച്ചു. ഗ്യാസടുപ്പുകൾ, പാത്രങ്ങൾ, പുതപ്പ്, വിരിപ്പ്,
മെഴുക് തിരികൾ തുടങ്ങി ആവശ്യ വസ്തുക്കളാണ് ക്യാമ്പിൽ വിതരണം ചെയ്തത്.പ്രൊഫ.ആബിദ് ഹുസൈൻ തങ്ങൾ എം.എൽ.എ
നിലമ്പൂർ തഹസിൽദാർ മുരളിക്ക് കൈമാറി.
കെ.ടി. കുഞ്ഞാൻ, കോട്ടക്കൽ മണ്ഡലം മുസ്ലിം ലീഗ് വൈസ് പ്രസിഡന്റും കാലിക്കറ്റ് യൂണിവേഴ്സിറ്റി സെനറ്റ് മെമ്പറുമായ സി.പി. ഹംസ, മുസ്ലിം ലീഗ് മാറാക്കര പഞ്ചായത്ത് പ്രസിഡന്റ് ഒ. കെ. സുബൈർ, ദുബൈ കെ.എം.സി.സി മലപ്പുറം ജില്ലാ പ്രസിഡന്റ് ചെമ്മുക്കൻ യാഹു മോൻ ഹാജി, കോട്ടക്കൽ മണ്ഡലം പ്രസിഡന്റ് സി.വി.അഷ്റഫ് എന്ന കുഞ്ഞു, ജനറൽ സെക്രട്ടറി മുജീബ് കോട്ടക്കൽ, മാറാക്കര പഞ്ചായത്ത് യൂത്ത് ലീഗ് ട്രഷറർ ഒ.പി. കുഞ്ഞിമുഹമ്മദ്, ഗഫൂർ തയ്യിൽ, എ.പി.അബ്ദു, കബീർമണ്ടായപ്പുറം ,എ.പി. ലത്തീഫ് ,അഷ്റഫലി പുതുക്കിടി, ഷുക്കൂർ പൊന്മള, ബാവ കാലൊടി,ഗഫൂർ.ടി.പി അബ്ദുറഹ്മാൻ ടി.പി, കരീം. ടി.പി,ആർ.എം. മാനു എന്നിവർ നേതൃത്വം നൽകി.
Comments
Post a Comment