കോട്ടയം: വ്യത്യസ്ത മതങ്ങളിൽ വിശ്വസിക്കുന്നവരുടെ ആചാരാനുഷ്ഠാനങ്ങളും വിശ്വാസവും സംരക്ഷിക്കാൻ സർക്കാർ തയ്യാറാകണമെന്ന് മുസ്ലിം ലീഗ് സംസ്ഥാന സെക്രട്ടറി പ്രൊഫ. ആബിദ് ഹുസൈൻ തങ്ങൾ എം.എൽ.എ
വിവിധ വിശ്വാസി സമൂഹങ്ങൾക്ക് ഉൾക്കൊള്ളാൻ കഴിയാത്ത നിലപാടുകളെടുത്തും വിശ്വാസങ്ങളും-ആചാരങ്ങളും തർക്ക വിഷയങ്ങളാക്കിയും ഒന്നൊന്നായി ഇല്ലാതാക്കിയും ഏക സിവിൽ കോഡ് നടപ്പിലാക്കാനുള്ള ഗൂഢ ലക്ഷ്യങ്ങളാണ് നടന്ന് കൊണ്ടിരിക്കുന്നതെന്നും ഇതിനെ ചെറുത്ത് തോൽപ്പിക്കാൻ ശക്തമായ നിലപാടുകളുമായി ഇന്ത്യൻ യൂണിയൻ മുസ്ലിം ലീഗ് രംഗത്തുണ്ടാകുമെന്നും അദ്ദേഹം പറഞ്ഞു. വിശ്വാസങ്ങളും ആചാരാനുഷ്ഠാനങ്ങളും എടുത്ത് കളയാനുള്ള നീക്കങ്ങൾക്കെതിരെ കേരള കോൺഗ്രസ്സ് (എം) വിശ്വാസികൾക്ക് പിന്തുണ നൽകാനായി ജന്മദിനാഘോഷത്തോടനുബന്ധിച്ച് തുടങ്ങിവെച്ച പ്രവർത്തനങ്ങൾ ശ്ലാഘനീയമാണെന്നും ഇതിന് ഇന്ത്യൻ യൂണിയൻ മുസ്ലിം ലീഗിന്റെ പിന്തുണയുണ്ടാകുമെന്നും അദ്ദേഹം പറഞ്ഞു.കേരള കോൺഗ്രസ്സ് (എം) ജന്മദിനാഘോഷത്തോടനുബന്ധിച്ച് കോട്ടയം തിരുനക്കര മൈതാനിയിൽ നടന്ന ശബരിമല ഐക്യദാർഢ്യ - സർവ്വ മത പ്രാർത്ഥനാ സമ്മേളനത്തിൽ പ്രസംഗിക്കുകയായിരുന്നു അദ്ദേഹം.
ശബരിമല വിഷയത്തിൽ സർക്കാരും ദേവസ്വം ബോർഡും കേരളത്തിലെ ഈശ്വര വിശ്വാസികളെ വഞ്ചിച്ചെന്ന് സർവ്വ മത പ്രാർത്ഥനാ സമ്മേനം ഉദ്ഘാടനം ചെയ്ത് കൊണ്ട് കേരള കോൺഗ്രസ് (എം) ചെയർമാൻ കെ.എം. മാണി പറഞ്ഞു
Comments
Post a Comment