കൈതച്ചാല്‍ ഗോപാലന്റെ കുടുംബത്തിന് നിര്‍മ്മിച്ച ബൈത്തുറഹ്മ കൈമാറി.

പുതുപ്പാടി:ദളിത്‌ലീഗ് ജില്ലാ പ്രസിഡന്റും പുതുപ്പാടി ഗ്രാമപഞ്ചായത്ത് മുസ്്‌ലിംലീഗ് സെക്രട്ടറിയും ഗ്രാമപഞ്ചായത്തംഗവുമായിരുന്ന പരേതനായ കൈതച്ചാല്‍  ഗോപാലന്റെ കുടുംബത്തിന് മുസ്്‌ലിം ലീഗ് നിര്‍മ്മിച്ച ബൈത്തുറഹ്മയുടെ താക്കോൽ പാണക്കാട് സയ്യിദ് മുനവ്വറലി ശിഹാബ് തങ്ങൾ താക്കോൽ കൈമാറി.

കുടുംബത്തിന് ഒരു വീടെന്ന സ്വപ്‌നം ബാക്കിവെച്ചായിരുന്നു ഗോപാലന്‍ ലോകത്തോട് വിടപറഞ്ഞത്. പുതുപ്പാടി പഞ്ചായത്ത് മുസ്്‌ലിംലീഗ് കമ്മിറ്റി പ്രസ്തുത ദൗത്യം ഏറ്റെടുക്കുകയായിരുന്നു. വീട് നിര്‍മ്മാണത്തിനായി തലക്കോട്ട് ഫാമിലി നാലേമുക്കാല്‍ സെന്റ് സ്ഥലവും വിട്ടു നല്‍കിയിരുന്നു. ഗ്രാമപഞ്ചായത്ത് ഭവന നിര്‍മ്മാണ പദ്ധതി പ്രകാരം ലഭിച്ച രണ്ടുലക്ഷം രൂപയും സുമനസ്സുകളുടെ സഹായത്തോടെ പാര്‍ട്ടി സ്വരൂപിച്ച പത്തുലക്ഷം രൂപയും ചെലവഴിച്ചാണ് വീടുപണി പൂര്‍ത്തീകരിച്ചത്.

 ദളിത്‌ലീഗ് സംസ്ഥാന പ്രസിഡന്റും മുന്‍ എം.എല്‍.എയുമായ യു.സി രാമന്‍ അധ്യക്ഷത വഹിച്ചു. മുസ്്‌ലിംലീഗ് സംസ്ഥാന ഉപാധ്യക്ഷനും മുന്‍ എം.എല്‍.എയുമായ സി.മോയിന്‍കുട്ടി, ജില്ലാ ജന.സെക്രട്ടറി എം.എ റസാഖ്മാസ്റ്റര്‍, വി.എം ഉമ്മര്‍മാസ്റ്റര്‍, മലപ്പുറം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, യൂത്ത്‌ലീഗ് സംസ്ഥാന സീനിയര്‍ വൈസ് പ്രസിഡന്റ് നജീബ് കാന്തപുരം, മുസ്്‌ലിംലീഗ് ജില്ലാ സെക്രട്ടറി വി.കെ.ഹുസൈന്‍കുട്ടി, ദളിത് ലീഗ് സംസ്ഥാന സെക്രട്ടറി ഇ.പി ബാബു, ജില്ലാ പ്രസിഡന്റ് വി.എം സുരേഷ് ബാബു, ജില്ലാ സെക്രട്ടറി കെ.സി ശ്രീധരന്‍, ജില്ലാ പഞ്ചായത്ത് അംഗങ്ങളായ സി.കെ.കാസിം, അന്നമ്മ മാത്യു, വി.ഡി ജോസഫ്, പഞ്ചായത്ത് പ്രസിഡന്റ് അംബിക മംഗലത്ത്, കെ.സി വേലായുധന്‍, കെ.വി അബ്ദുറഹിമാന്‍, സി.എ മുഹമ്മദ്, കെ.കെ.നന്ദകുമാര്‍, പി.സി മാത്യു, സന്തോഷ് മാളിയേക്കല്‍ സംബന്ധിച്ചു.

കെ.പി സുനീര്‍, ഷാഫി വളഞ്ഞപാറ, ഒ.കെ.ഹംസമാസ്റ്റര്‍, വി.കെ.മൊയ്തുമുട്ടായി എന്നിവരുടെ നേതൃത്വത്തിലുള്ള സംഘാടക സമിതിയാണ് ഭവന നിര്‍മ്മാണത്തിന് നേതൃത്വം നല്‍കി.