വളാഞ്ചേരി നഗരസഭാ ചെയർമാനായി അഷ്റഫ് അമ്പലത്തിങ്ങലിനേയും, വൈസ് ചെയർപേഴ്സണായി റംല മുഹമ്മദിനേയും തെരഞ്ഞെടുത്തു
വളാഞ്ചേരി: വളാഞ്ചേരി നഗരസഭ ചെയർമാനായി കാരാട് ഡിവിഷനിൽ നിന്നു തെരഞ്ഞെടുക്കപ്പെട്ട മുസ്ലിംലീഗിലെ അഷ്റഫ് അമ്പലത്തിങ്ങൽ തെരഞ്ഞെടുക്കപ്പെട്ടു. അഷറഫിന് വരണാധികാരി കൃഷി അസി.ഡയറക്ടർ ജോർജ് മാത്യു അഷ്റഫിന് സത്യവാചകം ചൊല്ലിക്കൊടുത്തു.12നെതിരെ 19 വോട്ടുകൾ നേടിയാണ് അഷ്റഫ് വിജയിച്ചത്. ഏക ബിജെപി അംഗം തെരഞ്ഞെടുപ്പിൽ നിന്ന് വിട്ടുനിന്നു. എട്ടാം വാർഡിൽ നിന്ന് തെരഞ്ഞെടുക്കപ്പെട്ട കോൺഗ്രസിലെ ദീപ്തി ശൈലേഷ് അഷ്റഫിൻ്റെ പേര് നിർദ്ദേശിച്ചു. ഡിവിഷൻ 10 ൽ നിന്ന് വിജയിച്ച മുസ്ലിം ലീഗിലെ സിദ്ദീഖ് ഹാജി കളപ്പുലാൻ പിന്താങ്ങി.ഇടത് പക്ഷത്ത് നിന്ന് ജനതാദളിലെ ഫൈസൽ അലി തങ്ങളാണ് ചെയർമാൻ സ്ഥാനത്തേക്ക് മത്സരിച്ചത്. തുടർന്ന് നഗരസഭ കൗൺസിൽ ഹാളിൽ നടന്ന അനുമോദന യോഗം പ്രൊഫ.കെ.കെ.ആബിദ് ഹുസൈൻ തങ്ങൾ എം എൽ എ ഉദ്ഘാടനം ചെയ്തു. മുസ്ലിം ലീഗ് ജില്ലാ സെക്രട്ടറി കെ എം അബ്ദുൽ ഗഫൂർ, പറശ്ശേരി ഹസൈനാർ, ടി.കെ.ആബിദലി, സലാം വളാഞ്ചേരി ,കെ.വി ഉണ്ണികൃഷ്ണൻ, സി.കെ. റുഫീന, മുഹമ്മദലി നീറ്റുകാട്ടിൽ, ടി.പി.അബ്ദുൽ ഗഫൂർ, ഫൈസൽ തങ്ങൾ, കെ.പി.സുബൈർ മാസ്റ്റർ, എൻ. നൗഷാദ്, സി.അബ്ദുൽ നാസർ, കെ എം എസ് സ്വാദിഖ് തങ്ങൾ ഇ.പി.അച്ചുതൻ, ഉണ്ണികൃഷ്ണൻ ചാത്തം കാവ്, കെ.മുസ്തഫ മാസ്റ്റർ, സദാനന്ദൻ കോട്ടിരി, എച്ച് സീന ,അഷ്റഫ് അമ്പലത്തിങ്ങൽ പ്രസംഗിച്ചു.
ഉച്ചക്ക് ശേഷം നടന്ന വൈസ് ചെയർ പെഴ്സൺ തെരഞ്ഞെടുപ്പിൽ ഡിവിഷൻ 13 ൽ നിന്ന് തെരഞ്ഞെടുക്കപ്പെട്ട കോൺഗ്രസിലെ റംല മുഹമ്മദ് സത്യപ്രതിജ്ഞ ചെയ്ത് അധികാരമേറ്റു.ചെയർമാൻ അഷ്റഫ് അമ്പലത്തിങ്ങൽ സത്യ വാചകം ചൊല്ലിക്കൊടുത്തു.12നെതിരെ 19 വോട്ടുകൾ നേടിയാണ് റംല വിജയിച്ചത്. ഇത് പക്ഷ വിമത കൗൺസിലറുടെ വോട്ടു അസാധുവായി. ബിജെപി അംഗം തെരഞ്ഞെടുപ്പിൽ പങ്കെടുത്തില്ല.മുസ്ലിം ലീഗിലെ സി എം റിയാസ് റംല മുഹമ്മദിൻ്റെ പേര് നിർദ്ദേശിച്ചു. ഡിവിഷൻ 19ലെ യു ഡി എഫ് സ്വതന്ത്ര കൗൺസിലർ താഹിറ ഇസ്മായിൽ പിന്താങ്ങി. ഡിവിഷൻ 26 ൽ നിന്ന് തെരഞ്ഞെടുക്കപ്പെട്ട ബഷീറ നൗഷാദാണ് ഇടത് പക്ഷത്ത് നിന്ന് വൈസ് ചെയർമാൻ സ്ഥാനത്തേക്ക് മത്സരിച്ചത്.
Comments
Post a Comment