മോട്ടോര്വാഹന വകുപ്പിലെ രണ്ട് ഉദ്യോഗസ്ഥര് കുറച്ചാളുകളെ തടഞ്ഞു വെച്ച് സംസാരിക്കുന്ന ദൃശ്യങ്ങള് സമൂഹമാധ്യമങ്ങളില് നല്ല ഒാട്ടമാണ് ഒാടുന്നത്. സ്വകാര്യവാഹനം ഉടമയ്ക്കും കുടുംബത്തിനും സ്വന്തം ആവശ്യങ്ങള്ക്ക് മാത്രമേ ഉപയോഗിക്കാന് പാടുള്ളൂ എന്ന് ഉദ്യോഗസ്ഥരിലൊരാള് ഇംഗ്ലീഷില് പറയുന്നു. ഉടമയുടെ ബന്ധുക്കളോ സുഹൃത്തുക്കളോ ഉപയോഗിച്ചാല് ക്രിമിനല് കുറ്റമാണെന്നും ഇദ്ദേഹം പറയുന്നുണ്ട്.
വിഡിയോ പലരും പങ്കുവെച്ചു. ചര്ച്ചകള് സജീവമാണ്. ഉദ്യോഗസ്ഥനെതിരെ ശക്തമായ രോഷപ്രകടനമുണ്ടായി. ചിലര് ഇതിന്റെ നിയമവശങ്ങള് അന്വേഷിച്ചു പോയി.
ഈ വിഡിയോ എവിടെവെച്ച് എപ്പോള് ചിത്രീകരിച്ചതാണ്...? 2017 ല് ബത്തേരി കോട്ടക്കുന്നിലാണ് സംഭവം. ദൃശ്യങ്ങളിലുള്ള രണ്ടു ഉദ്യോഗസ്ഥരും ബത്തേരിയില് നിന്നും സ്ഥലം മാറിപ്പോയി. ഒരാള് മലപ്പുറത്തും മറ്റൊരാള് വടകരയിലുമാണ് ഇപ്പോള് ജോലി ചെയ്യുന്നത്. ദൃശ്യങ്ങളില് സംസാരിച്ച ഉദ്യോഗസ്ഥന്റെ വീശദീകരണം ഇതാണ്: റിസോര്ട്ടുകളിലും ടൂറിസ്റ്റ് കേന്ദ്രങ്ങളിലും കള്ള ടാക്സികള് ഒാടുന്നെന്ന് ടാക്സി ഡ്രൈവര്മാരുടെ സംഘടന നിരന്തരം പരാതി നല്കാറുണ്ടായിരുന്നു. ടാക്സിക്കാര് ഇങ്ങനെ ഒാടുന്നവരെ ഫോളോ ചെയ്ത് മോട്ടോര് വാഹനവകുപ്പിനെയും പൊലീസിനെയും അറിയിക്കാറുണ്ടായിരുന്നെന്ന് ഉദ്യോഗസ്ഥന് പറയുന്നു. സ്വകാര്യവാഹനം ടാക്സിയായി ഉപയോഗിച്ചവരുമായി 2017 ല് സംസാരിക്കുന്നതിന്റെ വിഡിയോ ആണ് ഇപ്പോള് സമൂഹമാധ്യമങ്ങളില് പ്രചരിക്കുന്നത്. കുറേ സമയം സംസാരിച്ചിരുന്നു. അതില് ചെറിയൊരു ഭാഗം മാത്രമാണ് ഇപ്പോള് ആരോ പുറത്തുവിട്ടത്. യാത്രക്കാര് കര്ണാടകക്കാരായതു കൊണ്ടാണ് ഇംഗ്ലീഷില് സംസാരിക്കേണ്ടി വന്നത്. ഇംഗ്ലീഷ് സംസാരിക്കുന്നതില് നല്ല പ്രാവീണ്യം ഇല്ലാത്തതിനാല് പറഞ്ഞതില് ചില ഭാഗത്ത് പിശകു വന്നെന്നും ഉദ്യോഗസ്ഥന് വിശദീകരിക്കുന്നു.സ്വകാര്യ വാഹനം മോഷ്ടിച്ച് ആരെങ്കിലും ഉപയോഗിച്ചാല് ക്രിമിനല് കുറ്റമാണെന്നാണ് പറയാന് ഉദ്ദേശിച്ചതെന്നാണ്.ഉദ്യോഗസ്ഥന്റ മറുപടി.
പ്രചരിക്കുന്ന വിഡിയോ കാണാം
Comments
Post a Comment