സ്കൂളുകൾ തുറക്കുന്നതിന് മുന്നോടിയായി പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ നേതൃത്വത്തിൽ വിവിധ വകുപ്പുകളുടെ യോഗം ചേർന്നു.

 

സ്കൂളുകൾ തുറക്കുന്നതിന് മുന്നോടിയായി  വിവിധ വകുപ്പുകളുടെ യോഗം പ്രൊഫ . ആബിദ് ഹുസൈൻ തങ്ങൾ എം.എൽ.എ ഉദ്ഘാടനം ചെയ്യുന്നു

വളാഞ്ചേരി :സംസ്ഥാനത്തെ സ്കൂളുകളിൽ സംശയദുരീകരണത്തിനും പ്രാക്ടിക്കലിനുമായി 10, 12 ക്ലാസുകളിലെ വിദ്യാർത്ഥികൾ ജനുവരി 1 മുതൽ സ്കൂളുകളിൽ എത്തുന്നതിന്റെ മുന്നോടിയായി പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ നേതൃത്വത്തിൽ കോട്ടക്കൽ മണ്ഡലത്തിൽ വിവിധ വകുപ്പുകളുടെ യോഗം ചേർന്നു. കുട്ടികൾ എത്തുന്നതിന് മുന്നോടിയായി പി.ടി.എയുടേയും ആരോഗ്യ വകുപ്പിന്റേയും തദ്ദേശ സ്വയം ഭരണ സ്ഥാപനങ്ങളുടേയും പോലീസ് , ഫയർ & റസ്ക്യു വകുപ്പുകളുടേയും സഹകരണത്തോടെ സ്കൂളുകൾ വൃത്തിയാക്കുന്നതിനും 

കോവിഡ് സുരക്ഷാ മാനദണ്ഡങ്ങൾ കർശനമായി പാലിക്കുന്നുണ്ടെന്ന് ഉറപ്പ് വരുത്തണമെന്നും യോഗത്തിൽ എം.എൽ.എ നിർദ്ദേശം നൽകി. 

എ.ഇ.ഒ, ബി.പി.ഒ,

 വളാഞ്ചേരി നഗരസഭ, കുറ്റിപ്പുറം, എടയൂർ, ഇരിമ്പിളിയം, മാറാക്കര എന്നീ പഞ്ചായത്തുകളിലെ പ്രധാനാധ്യാപകർ, പി.ടി.എ ഭാരവാഹികൾ എന്നിവരുടേയും ആരോഗ്യം, പോലീസ് എന്നീ വകുപ്പുകളുടെയും യോഗമാണ് കുറ്റിപ്പുറം ബ്ലോക്ക് പഞ്ചായത്ത് കോൺഫ്രൻസ് ഹാളിൽ ചേർന്നത്.കുറ്റിപ്പുറം എ.ഇ.ഒ സുരേന്ദ്രൻ പി.വി അധ്യക്ഷത വഹിച്ചു. പ്രൊഫ. ആബിദ് ഹുസൈൻ തങ്ങൾ എം.എൽ.എ ഉദ്ഘാടനം ചെയ്തു.

വളാഞ്ചേരി നഗരസഭ ചെയർമാൻ അഷ്റഫ് അമ്പലത്തിങ്ങൽ, കുറ്റിപ്പുറം ബ്ലോക്ക് പഞ്ചായത്ത് ബി.ഡി.ഒ കെ. അജിത,കുറ്റിപ്പുറം ബി.പി.സി. അബ്ദുൽ സലീം.ടി

കുറ്റിപ്പുറം ബ്ലോക്ക് മെഡിക്കൽ ഓഫീസർ ഡോ. വിജിത്ത് വിജയശങ്കർ, കുറ്റിപ്പുറം എ.എസ്.ഐ വാസുണ്ണി എം.വി ,

എച്ച്.എം ഫോറം സെക്രട്ടറി വി.പി.അബ്ദുറഹിമാൻ മാസ്റ്റർ, കെ.ഗോപാലകൃഷ്ണൻ ,  എന്നിവർ സംസാരിച്ചു. പ്രധാനാധ്യാപകരും പി.ടി.എ ഭാരവാഹികളും ചർച്ചയിൽ പങ്കെടുത്തു. ഒരു ബെഞ്ചിൽ 2  കുട്ടികൾ വീതം, രക്ഷിതാക്കളുടെ സാന്നിധ്യം ഉറപ്പാക്കൽ, സ്കൂളിനടുത്തുള്ള അധ്യാപകരുടെ സഹായം തേടൽ, ജനപ്രതിനിധികളുമായി ക്ലീൻ ക്യാമ്പസ്, സുരക്ഷ ഉറപ്പാക്കൽ ,കുട്ടികൾക്ക് മാനസിക പിന്തുണ നൽകുന്നതിനും ആത്മവിശ്വാസം വർദ്ധിപ്പിക്കുന്നതിനുള്ള സംവിധാനങ്ങൾ, എസ്.ആർ.ജി, സബ്ജക്ട് കൗൺസിൽ ചേർന്ന് ക്രമീകരണങ്ങൾ നടത്തൽ, എൽ.പി. യു.പി. അധ്യാപകരെ കോവിഡ് പ്രോട്ടോകോൾ ചുമതല ഏൽപ്പിക്കാൻ തീരുമാനിച്ചു.കുട്ടികളെ കൊണ്ടു വിടുന്നതും തിരികെ കൊണ്ടുപോകുന്നതും രക്ഷിതാവിന്റെ ചുമതലയാണ്