മുസ്ലിം ലീഗ് സംസ്ഥാന ട്രഷററും മുൻ മന്ത്രിയുമായ ചെർക്കളം അബ്ദുല്ല അന്തരിച്ചു. അസുഖത്തെ തുടർന്ന് ദീർഘകാലമായി ചികിത്സയിലായിരുന്നു. ചെ ർക്കളത്തുള്ള അദ്ദേഹത്തിന്റെ വസതിയിൽ വെച്ചായിരുന്നു അന്ത്യം.കാസർകോട് സംയുക്ത ജമാഅത്ത് പ്രസിഡണ്ടു കൂടിയാണ്.
1942 ൽ ബാരിക്കാട് മുഹമ്മദ് ഹാജിയുടെയും ആയിഷുമ്മയുടെ മകനായി ജനനം.യൂത്ത് ലീഗിലെ ഇടപെടലിലൂടെയാണ് രാഷ്ട്രീയ പ്രവേശനം. തുടർന്ന് യൂത്ത് ലീഗ് സെക്രട്ടറിയും കണ്ണൂർ ജില്ലാ യൂത്ത് ലീഗ് പ്രസിഡന്റായും സ്ഥാനം വഹിച്ചു.
1987ൽ മഞ്ചേശ്വരം മണ്ഡലത്തിൽ നിന്നും മുസ്ലിം ലീഗ് സ്ഥാനാർത്ഥിയായി മത്സരിച്ച് ആദ്യമായി നിയമസഭയിൽ എത്തി,പിന്നീട് തുടർച്ചയായി ഇതേ മണ്ഡലത്തിൽ നിന്ന്
1991,1996, 2001 വർഷങ്ങളിലും നിയമസഭയിലെത്തി,
2001 ൽ എ.കെ ആന്റണി മന്ത്രിസഭയിൽ തദ്ദേശ സ്വയംഭരണ വകുപ്പ് മന്ത്രിയായി, തുടർന്ന് ഉമ്മൻ ചാണ്ടിമന്ത്രി സഭയിൽ ന്യൂന പക്ഷ പിന്നോക്ക ക്ഷേമ വകുപ്പ് പ്രസിഡണ്ടുമായി . മുസ്ലിം ലീഗിന്റെയും പോഷക സംഘടനകളുടെയും നിരവധി സ്ഥാനങ്ങൾ വഹിച്ചിരുന്നു.
ഭാര്യ:ആയിഷാ ചെര്ക്കളം (മുന് പ്രസിഡന്റ് ചെങ്കളഗ്രാമ പഞ്ചായത്ത് )
മക്കളുടെ പേര്:സി.എ. മുഹമ്മദ് നാസര് (മസ്ക്കറ്റ് ),സി.എ. മെഹറുനിസ (ബോംബെ),സി.എ. മുംതാസ് സമീറ (മെമ്പര് കാസര്കോട് ജില്ലാ പഞ്ചായത്ത്),സി.എ.അഹമ്മദ് കബീര് (എം.എസ്.എഫ്. മുന് ജില്ലാ പ്രസിഡണ്ട്)
മരുമക്കള്: എ.പി.അബ്ദുള് കാദര് അയ്യൂര് (ബോംബെ) (എം.ഡി.പോമോന എക്സ്പോര്ട്ടിംഗ്),കെ.എ. അബ്ദുള് മജീദ് (മഞ്ചേശ്വരം),നുസ്ഫത്തുനിസ (ചാവക്കാട് ),ജാസ്മിന് (ബേവിഞ്ച).
സഹോദരങ്ങള്:പരേതനായ എവറസ്റ്റ് അബ്ദുള് റഹ്മാന്,പരേതനായ അബ്ദുല് ഖാദര് കപാഡിയ, ചെര്ക്കളം അബൂബക്കര്,എവറസ്റ്റ് കുഞ്ഞാമു, പരേതനായ അഹ്മദ്.പരേതനായ മമ്മുപുലിക്കുന്ന്, ആയിശ ബാവിക്കര, പരേതയായ നഫീസ കോട്ടിക്കുളം,ബീബി ബദിയഡുക്ക,പരേതയായ കദീജ പൊവ്വല്
പേരമക്കള്:അബൂബക്കര് തബ്ഷീര്,അബ്ദുല്ല തന്സീഹ്,സിനാന്,അഹ്മദ് ഷയാന്,അബ്ദുള്ള ഖിദാസ്,മുഹമ്മദ് അലി ശിഹാബ്,മുഹമ്മദ് സയാന്,അസ്മീറ ഷഹ്സിന്,ഫാത്തിമ ഖാദര്,ആയിശ നിഹ,നഫീസ ഷിസ,ആയിശ ഷസ്ന,നൂറ ഹൈറ.
Comments
Post a Comment