ആതവനാട്: മാട്ടുമ്മൽ സ്വദേശിയും ഓട്ടോ ഡ്രൈവറുമായ വെട്ടിക്കാടന് അലിമോന്റെ മകന് മുഹമ്മദ് മുഫസില്(രണ്ടര) ആണ് സ്വന്തം വീടിന്റെ മുന്നില് വെച്ച് കാറിടിച്ചു മരണപ്പെട്ടത്. ഇന്ന് രാവിലെ എട്ടരയോടെയാണ് അപകടം. മാട്ടുമ്മല് പി.എച്ച്.സിയുടെ മുന്വശത്തെ കടയില് നിന്ന് മിഠായി വാങ്ങാനായി റോഡിലേക്കിറങ്ങിയപ്പോഴാണ് അപകടമുണ്ടായത്. മണ്ണേക്കര സ്വദേശിയുടെ കാറിടിച്ചാണ് അപകടം സംഭവച്ചത്.അപകടത്തില് കുട്ടിയുടെ ദേഹത്തിലൂടെ കാര് കയറുകയും ചെയ്തു. ഉടനെ തന്നെ അപകടത്തില്പ്പെട്ട കാറില് കുട്ടിയെ കോട്ടക്കലിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.ആശുപത്രിയിലേക്ക് കൊണ്ടു പോകും വഴി വെട്ടിച്ചിറയില് വെച്ച് കാര് മറ്റൊരു അതിഥി തൊഴിലാളിയായ ബംഗാള് സ്വദേശിയെ ഇടിച്ചു പരിക്ക് പറ്റുകയും ചെയ്തു. തൊഴിലാളിയുടെ കാലിന്റെ എല്ലിന് പരുക്ക് ഉണ്ട്.ആശുപത്രിയില് പ്രവേശിപ്പിച്ച അദ്ദേഹംചികിത്സയിലാണ്. മുഫസിലിന്റെ മൃതദേഹം പോസ്റ്റ്മോര്ട്ടത്തിന് ശേഷം മണ്ണേക്കര ജുമാമസ്ജിദ് ഖബര്സ്ഥാനില് ഖബറടക്കും.
Comments
Post a Comment