കെ ടെറ്റ് യോഗ്യതയുടെ പേരിൽ അധ്യാപക ദ്രോഹ നടപടികൾ സ്വീകരിക്കുന്നത് അവസാനിപ്പിക്കണം: കെ എസ് ടി യു

 

 കെ എസ് ടി യു തിരുർ വിദ്യാഭ്യാസ ജില്ല സമ്മേളനം വളാഞ്ചേരി നഗരസഭ ചെയർമാൻ അഷറഫ് അമ്പലത്തിങ്ങൽ ഉദ്ഘാടനം ചെയ്യുന്നു

വളാഞ്ചേരി: കെ ടെറ്റ് യോഗ്യതയുടെ പേരിൽ അംഗീകാരവും ഇൻക്രിമെൻ്റും ഗ്രേഡും തടഞ്ഞുവെച്ച നടപടി പിൻവലിക്കണമെന്നും കോവിഡ് പ്രോട്ടോകോളിൻ്റെ മറപിടിച്ച് അധ്യാപകരെ അധിക്ഷേപിക്കുന്ന വിദ്യാഭ്യാസ ഓഫീസർമാരുടെ ഉത്തരവുകൾ നീതികരിക്കാനാവില്ലെന്നും കെ എസ് ടി യു തിരുർ വിദ്യാഭ്യാസ ജില്ലാ സമ്മേളനം അഭിപ്രായപ്പെട്ടു.വിദ്യാഭ്യാസം മാറ്റത്തിന് മാറണമീ നിഷ്ക്രിയ ഭരണം എന്ന പ്രമേയത്തിൽ വളാഞ്ചേരി ലീഗ് ഓഫീസ് ഓഡിറ്റോറിയത്തിൽ നടന്ന സമ്മേളനം  നഗരസഭ ചെയർമാൻ അഷറഫ് അമ്പലത്തിങ്ങൽ ഉദ്ഘാടനം ചെയ്തു.  വിദ്യാഭ്യാസ ജില്ല പ്രസിഡൻ്റ് ടി.സി. സുബൈർ  അധ്യക്ഷത വഹിച്ചു. കെ എസ് ടി യു സംസ്ഥാന സെക്രട്ടറിമാരായ  എം. അഹമ്മദ്  മുഖ്യ പ്രഭാഷണവും  വി.എ. ഗഫൂർ  പ്രമേയ പ്രഭാഷണവും നടത്തി. നഗരസഭാ അംഗങ്ങളായ ടി. റിയാസ്, വി. മുജീബ് റഹ്മാൻ,  ജില്ല ജനറൽ സെക്രട്ടറി എൻ.പി. മുഹമ്മദലി,  ഭാരവാഹികളായ  സി. അബ്ദു റഹിമാൻ, ജലീൽ വൈരങ്കോട്,  ഇ.പി. എ ലത്തീഫ്,  ഡോ: ഷാഹുൽ ഹമീദ് , കെ.കെ. ഹംസ, പി. അബൂബക്കർ , കെ. മുഹമ്മദ് മുസ്തഫ, ടി.പി. സുബൈർ, മൻസൂർ പാലത്തിങ്ങൽ, യൂനുസ് മയ്യേരി, റഹിം വലപ്പത്ത്, പി.പി. സക്കരിയ്യ, പി. അബ്ദുൽ ലത്തീഫ് , കെ.കെ. സലാം , എം.പി.എം. മുനീർ, ടി.പി. സുൽഫിക്കർ പ്രസംഗിച്ചു. പി എച്ച് ഡി നേടിയ ഡോ: മുഹമ്മദ് കുട്ടിയെ ചടങ്ങിൽ ആദരിച്ചു.  കെ എസ് ടി യു വിദ്യാഭ്യാസ സംരക്ഷണ ജാഥക്ക് വളാഞ്ചേരിയിൽ നൽകുന്ന സ്വീകരണത്തിനുള്ള സംഘാടക സമിതി രൂപീകരിച്ചു. വിദ്യാഭ്യാസ ജില്ല ഭാരവാഹികളായി പി. സാജിദ് (പ്രസിഡൻ്റ് ) സി.ടി. ജമാലുദ്ധീൻ ( ജനറൽ സെക്രട്ടറി ) പി.പി. ഷംസു (ട്രഷറർ) പി.കെ. അബ്ദുൽ ജബ്ബാർ (സീനിയർ വൈസ് പ്രസിഡൻ്റ് ) യൂനുസ് മയ്യേരി, റഹീം വലപ്പത്ത്, കെ.പി. മുസ്തഫ, പി.പി. മുഹമ്മദ് സുധീർ. (വൈസ് പ്രസിഡൻ്റ് ) പി.സി. സിദ്ധീഖുൽ അക്ബർ, എ.കെ. സൈതലവി, എം. അഹമ്മദ് കുഞ്ഞി, പി. മുഹമ്മദ്,   ( സെക്രട്ടറിമാർ ) വനിതാ വിഭാഗം ഭാരവാഹികളായി  ടി.വി. റംഷീദ (ചെയർപേഴ്സൺ ) കെ.പി. ഷാനിറ (കൺവീനർ ) എന്നിവരെ തെരഞ്ഞെടുത്തു.